ഫ്ലിക്കനഭി 1.0

വിക്കനഭിക്കും സ്വമകനഭിക്കും ബ്ലോഗനഭിക്കും ശേഷം എന്റെ പുതിയ അവതാരമിതാ, ഫ്ലിക്കനഭി!

ഞാനും ക്യാമറയും
അല്പം ചരിത്രത്തോടെ തുടങ്ങാം. ആറ് വര്‍ഷങ്ങള്‍ക്ക് മുമ്പ് വീട്ടില്‍ ഒരു കൊഡാക് ഫിലിം ക്യാമറ വാങ്ങിയപ്പോളാണ് ആദ്യമായി ഒരു പടം പിടിയനെ ഞാന്‍ കൈ കൊണ്ട് തൊടുന്നത്. 32 പടം-പരിധി, ഫിലിം വാഷിങ്, ആല്‍ബമുണ്ടാക്കല്‍ അങ്ങനെ നൂലാമാലകള്‍ പലതുള്ള വസ്തുവായതിനാല്‍ അതിന്മേല്‍ കാര്യമായി പണിഞ്ഞില്ല, അഥവാ വീട്ടുകാര്‍ സമ്മതിച്ചില്ല. അങ്ങനെയിരിക്കെ സ്റ്റേറ്റ്സിലുള്ള അങ്കിള്‍ വഴി ഒരു കാനണ്‍ പവര്‍ഷോട്ട് എ85 കൈവന്നു. അല്പം പുരാതനമായിരുന്നു വസ്തുവെങ്കിലും എനിക്കത് നിധി കിട്ടിയ പോലെയായിരുന്നു. ഞാന്‍ കണ്ണില്‍ കണ്ടതിന്റെയും കാണാത്തതിന്റെയുമെല്ലാം പടവുമെടുക്കാന്‍ തുടങ്ങി. പ്രത്യേകിച്ച് പറയേണ്ടതില്ലല്ലോ, ആറ് മാസത്തിനുള്ളില്‍ പുള്ളി വീരചരമം പ്രാപിച്ചു 😦

പുത്തന്‍ ക്യാമറ
എ85-ന്റെ ചിതയിലെ കനലുകളണയും മുമ്പെ ഞാന്‍ പുത്തന്‍ ക്യാമറക്കായി മുറവിളി തുടങ്ങി. ഭീകരവും അസഹനീയവുമായ എന്റെ സമരമുറകള്‍ക്ക് മുമ്പില്‍ വീട്ടുകാര്‍ കീഴടങ്ങി. അങ്ങനെ ജനുവരി 6-ന് അവനെത്തി. ഒളിമ്പസ് എഫ്.ഇ. 370. അത്യാവേശത്തോടെ ഞാന്‍ പടമെടുപ്പ് പുനരാരംഭിച്ചു. അതിന്റെയും ഇതിന്റെയുമെല്ലാം പടമെടുത്ത് മലയാളം വിക്കിപീഡിയയിലിട്ടു. “എന്‍സൈക്ലോപ്പീഡിക് വാല്യുവില്ലാ”-ന്ന് പറഞ്ഞ് അഡ്മിന്‍സ് എന്റെ പടങ്ങളുടെ മേല്‍ കത്രിക വക്കാനുള്ള സാധ്യതകള്‍ മണത്തപ്പോള്‍ ഞാന്‍ പയ്യെ ഫ്ലിക്കറിലേക്ക് കുടിയേറി.

എന്തുകൊണ്ട് ഫ്ലിക്കര്‍
പൊതുവെ ഒരു ഗൂഗിള്‍ ആരാധകനായ എനിക്ക് ഈയടുത്തായി രണ്ട് ഗൂഗിള്‍ ഉത്പന്നങ്ങളെ നിരാകരിക്കേണ്ടി വന്നു. ബ്ലോഗറും (അതിന്റെ കാരണം പിന്നെ പറയാം) പിന്നെ പിക്കാസയും. ആദ്യം പിക്കാസയിലാണ് പയറ്റി നോക്കിയതെങ്കിലും അവിടുത്തെ അന്തരീക്ഷം അത്ര പിടിച്ചില്ല. പടങ്ങള്‍ പെറുക്കിവകാനുള്ള ഒരു റെപ്പോസിറ്ററിയുടെ ഫീലാണതിന്. ഒരുപക്ഷെ അതുതന്നെയാവാം ഗൂഗിള്‍ ഉദ്ദേശിച്ചിരിക്കുന്നതും. എന്നാല്‍, പടം പിടുത്തതില്‍ താത്പര്യമുള്ളതുതിനാലും തുടക്കകാരനായതിനാലും പുലികളുടെ കമന്റുകളും നിര്‍ദ്ദേശങ്ങളും എനിക്ക് വിലയേറിയതാണ്. അത് ഫ്ലിക്കറില്‍ കിട്ടും. അങ്ങനെ ഇക്കഴിഞ്ഞ ഫെബ്രുവരി 22-ന് ഞാന്‍ ഫ്ലിക്കറിലെത്തി. എന്നെ ശരിക്കും അതിശയിപ്പിക്കുന്ന പ്രതികരണമാണ് ഫ്ലിക്കന്മാരില്‍നിന്ന് (പ്രത്യേകിച്ചും മലയാളി ഫ്ലിക്കന്മാരില്‍ നിന്ന്) ഉണ്ടായത്. ഞാന്‍ ഹാപ്പിയായി, പടമെടുപ്പ് ശക്തിയായി തുടരാനുള്ള പ്രചോദനവുമായി. പടങ്ങള്‍ കാണുകയും കമന്റിടുകയും ചെയ്ത ഏവര്‍ക്കും നന്ദി.

അപ്പഴേ, ദേ ഇതാണു എന്റെ ഫോട്ടോസ്ട്രീം. വേഗം കണ്ടാസ്വദിച്ച് രണ്ട് കമന്റിട്ടാട്ടെ. ചില പടങ്ങള്‍ ബ്ലോഗിന്റെ സൈഡില്‍ കാണുന്ന ഫ്ലിക്കറ് പെട്ടില്‍ കാണാം.

കുറിപ്പ്: ഇന്റര്‍നെറ്റ് ലോകത്തില്‍ സര്‍വാധിപത്യം സ്ഥാപിക്കാനുള്ള എന്റെ മഹായജ്ഞത്തിന്റെ ഭാഗമാണിതും. അടുത്ത പടയോട്ടം നിങ്ങളുടെ സ്വന്തം തട്ടകത്തിലേക്കാകാം, ജാഗ്രതൈ!!!

Advertisements

The URI to TrackBack this entry is: https://wikkanabhi.wordpress.com/2009/03/03/%e0%b4%ab%e0%b5%8d%e0%b4%b2%e0%b4%bf%e0%b4%95%e0%b5%8d%e0%b4%95%e0%b4%a8%e0%b4%ad%e0%b4%bf-10/trackback/

RSS feed for comments on this post.

4അഭിപ്രായങ്ങള്‍ഒരു അഭിപ്രായം ഇടൂ

  1. അഭിവാദ്യങ്ങള്‍….

  2. All the best flickanabhii….

  3. That sunrise photo is really nice.

  4. abhi, super anna…. nalla bheeshani !!! pinne, vaakku paranjal vaakayirikkanam…”ഇന്റര്‍നെറ്റ് ലോകത്തില്‍ സര്‍വാധിപത്യം സ്ഥാപിക്കാനുള്ള എന്റെ മഹായജ്ഞത്തിന്റെ ഭാഗമാണിതും. അടുത്ത പടയോട്ടം നിങ്ങളുടെ സ്വന്തം തട്ടകത്തിലേക്കാകാം, ജാഗ്രതൈ!!!” — de ithu thanne !!! paalichekkanam ha….


ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )

%d bloggers like this: